Estes días traballaremos o béisbol en Ed. Física. Para que nos sexa máis divertido e sinxelo xogar, ímoslle facer unhas pequenas adaptacións.
A continuación déixovos unha breve explicación da historia deste deporte colectivo (Pincha AQUÍ), así como un vídeo explicativo das súas regras.
Este fin de semana celébrase o XXVI Rali do Cocido. As probas levaranse a cabo os días 22 e 23 de abril. Podedes consultar a páxina oficial da organización onde atoparedes os horarios dos tramos, participantes, medidas de seguridade e máis cousas relacionadas co rali.
Pincha sobre o cartel para acceder á páxina da organización
Nesta Semana Santa, e máis concretamente o domingo 17 de abril, podedes acercarvos ata o Paseo do Pontiñas onde se vai celebrar o I Open Internacional Cocido de Lalín de Petanca.
Déixovos o seguinte enlace a un xornal onde vos explica un pouquiño sobre o campionato. Pincha AQUÍ
Hoxe, 6 de abril, celébrase o Día Internacional do Deporte para o Desenvolvemento e a Paz. Dita conmemoración presenta unha oportunidade para recoñecer o papel positivo do deporte e a actividade física nas comunidades e na vida das persoas en todo o mundo.
